കൊച്ചി: വടുതല സമാജം റോഡ് റസിഡന്റ്‌സ്
അസോസിയേഷന്റെ ഓണാഘോഷ പരിപാടിയും കുടുംബസംഗമവും(സെപ്റ്റംബര്‍ 22)രാവിലെ നടക്കും. പഴമ്പിള്ളി തോമസ് നഗറില്‍
രാവിലെ9-30ന് പൂക്കളം തീര്‍ത്തു പരിപാടി ആരംഭിക്കും. 10- മണിക്ക് ത്രീ-എഫ് ഇന്‍ഡസ്ട്രീസ് ലിമിറ്റഡിന്റെ
മാര്‍ക്കറ്റിങ്ങ് ജനറല്‍ മാനേജര്‍ എസ്. മധുസൂദനന്‍ ഭദ്രദീപം തെളിയിച്ച് ഓണാഘോഷ
പരിപാടി ഉദ്്ഘാടനം ചെയ്യും. 10.30-ന് ആരംഭിക്കുന്ന വിളംബര ഘോഷയാത്ര പഴമ്പിള്ളി
തോമസ് നഗറില്‍ നിന്ന് ആരംഭിച്ച് തട്ടാഴം റോഡ് , ഡോണ്‍ബോസ്‌കോ റോഡ്, ലൂര്‍ദ്ദ് ഹോസ്പിറ്റല്‍ റോഡ്, സ്‌ക്കൂള്‍ പടി എന്നിവടങ്ങളില്‍ കൂടി പഴമ്പിള്ളി തോമസ് നഗറില്‍ തിരിച്ചെത്തും.
ഘോഷയാത്രയില്‍ മഹാബലിയുടെയും, വാമനന്‍ന്റെയും, രൂപങ്ങള്‍ കൂടാതെ കുട്ടികളുടെ പ്രച്ഛന്ന വേഷങ്ങളും ഉണ്ടായിരിക്കും. 11-30 ന് നടക്കുന്ന കലാ സാംസ്‌ക്കാരിക യോഗത്തില്‍ കേരള പബ്ലിക്ക് സര്‍വ്വീസ്
കമ്മീഷന്‍ ചെയര്‍മാന്‍ ഡോ.കെ എസ് .രാധാകൃഷ്ണന്‍ മുഖ്യാതിഥിയും കൊച്ചി കോര്‍പ്പറേഷന്‍
ഡെപ്യൂട്ടി മേയര്‍ ബി.ഭദ്ര വിശിഷ്ടാതിഥിയും ആയിരിക്കും.
സമാജം റോഡ് റസിഡന്റ്‌സ് അസോസിയേഷന്റെ
പ്രസിഡന്റ് കെ.കെ.മുരളി അദ്ധ്യക്ഷനാകുന്ന പരിപാടിയില്‍ സെക്രട്ടറി എന്‍.എസ്.മണി, കൗണ്‍സിലര്‍ മണികണ്ഠരാജ്, കോര്‍പ്പറേഷന്‍ കൗണ്‍സില്‍ ചീഫ് വിപ്പ്
മുരളീധരന്‍, റസിഡന്‍സ് അസോസിയേഷന്‍ ജനറല്‍ കണ്‍വീനര്‍
ടി.ജി.ജോസഫ് എന്നിവര്‍ പങ്കെടുക്കും.
പരിപാടിയുടെ ഭാഗമായി ഓണസദ്യയും
ഉണ്ടായിരിക്കും. കൂടാതെ തിരുവാതിരക്കളി , നാടന്‍പാട്ടു മത്സരം, കൈകൊട്ടിക്കളി, കുട്ടികളുടെ കലാപരിപാടികള്‍ , വടംവലി മത്സരം എന്നിവയും ഉണ്ടായിരിക്കും.
ഘോഷയാത്രയില്‍ പങ്കെടുത്തവര്‍ക്കായി നറുക്കെടുപ്പു നടത്തി ബംബര്‍ ഓണ സമ്മാനങ്ങളും
വിതരണം ചെയ്യും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ