ദേശീയ പാത 17ലെ ഇടപ്പള്ളി റെയ്‌ല്‍വെ ഗേറ്റിന്റെ തകരാര്‍ പരിഹരിച്ചു. നൂറുകണക്കിനു വാഹനങ്ങളെ കുടുക്കിയ തകരാര്‍ മണിക്കൂറുകള്‍ക്കു ശേഷമാണു പരിഹരിക്കാനായത്‌.
ഇതോടെ തടസപ്പെട്ട വാഹനഗതാഗതം പുനഃസ്ഥാപിച്ചു. തിങ്കളാഴ്‌ച രാത്രി ഒന്‍പതുമണിയോടെയാണു നൂറുകണക്കിനു വാഹനങ്ങളെയും യാത്രക്കരെയും ദുരിതത്തിലാക്കി ഗേറ്റ് പണിമുടക്കിയത്‌. ഇതേ തുടര്‍ന്നു ഗേറ്റിനിരുവശവും വാഹനങ്ങള്‍ തിങ്ങിനിറഞ്ഞു.ഇടപ്പള്ളി ട്രാഫിക്‌ സ്റ്റേഷനില്‍ നിന്നും പൊലീസ്‌ എത്തിയാണ്‌ ഗതാഗതം തിരിച്ചുവിട്ടത്‌. ഗതാഗതക്കുരുക്കിനിടയില്‍പ്പെട്ട്‌ യാത്രക്കാരും വാഹനങ്ങളുംനട്ടംതിരിഞ്ഞു.
ഇവിടെ ആഴ്‌ചയില്‍ ഒരു തവണയെങ്കിലും ഏതെങ്കിലും കാരണത്താല്‍ ഗേറ്റ് പ്രവര്‍ത്തന രഹിതമാകുന്നതു പതിവായിരിക്കുകയാണ്‌. മണിക്കൂറുകളാണു ഇതോടെ യാത്രക്കാര്‍ കുരുക്കിലാകുന്നത്‌. ആലുവയില്‍ നിന്നും എത്തിയ റെയ്‌ല്‍വെ എന്‍ജിനിയറിങ്ങ്‌ ജീവനക്കാരാണ്‌ രാത്രി വൈകി ഗേറ്റിന്റെ തകരാര്‍ പരിഹരിച്ചത്‌.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ